Una Señora Fiesta tá muy viva, y por esu vuelve esti branu con un nuevo formatu. Esti añu preséntese en tres xornaes (del viernes 25 al domingu 27 de xunetu) que celebren la tradición oral, la música pa tolos públicos y les propuestes que sirven d’alcuentru gozoso y muestra de lo que se puede conseguir en comunidá. 

El primer actu será en Vegarrionda, y llamarase Filandón:, un alcuentru  íntimu de pallabres, cantu y tradición al calor del llagar; Aires!, será la xornada musical, con conciertos durante tol día nel edificiu de La Benéfica, y zarraremos el fin de semana cola Romería, de vuelta en Vegarrionda, fiesta colectiva de jolgorio, baille y xuegu.

Pa nosotres ye importante la inclusión, cola implicación de la comunidá tan ecléctica de Piloña y una programación pensada pa un público lo más amplio posible; pa compartir y disfrutar de la vida nel pueblu todes xuntes.

Queremos avisavos de que esti añu nun contamos con zona d’acampada pa les tres díes, ya que cada actividá ta concebida por separáu y en diferentes partes del Conceyu de Piloña. Queremos proponer, como siempre, una alternativa de ocio que promueva’l cuidáu del entorno y paisaxe, asina como eventos culturales que nun nos fagan consumir un llugar hasta que s’agote.  Esto nos parez incompatible con una zona de acampada nun prao durante tres díes.