Vienres 25 – Filandón
Alcuentru de narración oral en Vegarriondaa
📍 La Meredal (onde Maribel), Vegarrionda / 🎭 De baldre – Pa tolos públicos / 🕗 Hora: 20:00 h
El viernes 25 vamos tener una nueche mui especial y íntima, na que vamos xuntanos a escuchar cuentos, histories y cantares alredor d’un llar, evocando la maxa d’estes xuntances que lleguen a ser tan importantes y que tienen el so propiu nome: Filandón.
Vamos escuchar los cantares de Café, Galletines y Cuentinos, el proyectu de les muyeres d’Areñes con Riu Fontoria, del que tamos namoraes. Van venir tamién Ambás y Jose Luis Gutiérrez (Guti), pa rematar esta nueche dedicada a la narración oral.
Tou aquel o aquella que quiera venir a compartir, ¡tamién va ser bienveníu y bienvenida!
Sábadu 26 – Aires!
Conciertos na Benéfica
📍 La Benéfica de Piloña, L’Infiestu
12:00h – Los Titiriteros de Binéfar
🎭 De baldre – Pa tolos públicos / 🕗 Apertura de puertes: 11:30 h
Pela mañana los Titiriteros de Binéfar van presentanos la obra: El Abrazo, un conciertu con títeres y música en vivo pa tolos públicos. Esta compañía lleva más de 40 años percorriendo tol mundu colos muñecos, faciendo títeres y música peles caleyes, places y teatros. Premiaos en múltiples ocasiones, faen un teatru pa toos: pa la reciella, tratándola como persones sensibles y intelixentes, y pa los persones adultes que tovía guarden un güecu pa la ternura y pal ritual de la escena.
El Abrazo invítanos a disfrutar de títeres populares, melodíes tradicionales y unos titiriteros que proponen que xugar y cantar xuntes ye amar la vida, una buena manera de defender la cultura. Una Señora Fiesta ye un festival pa toos y toes, de fechu esta propuesta ta pensada especialmente pal disfrute de la reciella, les families, y tamién pa toles persones que-yos preste un buen espectáculu d’estes característiques.
Va ser tamién de baldre y a les 12:00 puntuales vamos entamar, asina que pa les 11:30 abrimos puertes.
21:00h – Ferla Megía / Cocanha / Gregotechno
🎟️ Entrada: 18 € xeneral (15 € amigues) / 🕗 Apertura de puertes: 20:30 h
La nueche del sábadu vamos dedicala a esplorar tres proyectos musicales ensin mieu a innovar y con munchísimu talentu. Van ser conciertos a partir de les 21.00h (apertura de puertes a les 20.30h) con entrada de pagu, que va dedicase a cofinanciar esta edición d’Una Señora Fiesta.
Vamos tener la suerte de contar con una de les promeses moces más interesantes de la escena asturiana actual, Ferla Megía. Dende casa compón, graba y produz la so música, que fusiona estilos como’l RnB, la música tradicional, la música urbana, el flamencu o la electrónica. Llicenciáu en diseñu gráficu tamién crea tol ideariu visual del proyectu.
El grupu Cocanha ye una girlsband occitana, que van venir a Piloña nesta Una Señora Fiesta a facenos baillar, cola so propuesta enllena d’humor y carácter. Cocanha son tres voces femenines que, teniendo Tolosa como puntu d’alcuentru y la llingua occitana como terrenu de xuegu vocal, faen sonar los repertorios pirenaicos, gascones y llinguadocianos, acompañaes de tambores de cuerdes y percusiones corporales.
Amás, van venir dende Catalunya Gregotechno, un proyectu qu’entemez cantu gregorianu con música electrónica, nun espectáculu hipnóticu y inmersivu que fai interaccionar la música con imáxenes de videoarte microcósmicu. La fusión que propón Gregotechno enrieda la recuperación del repertoriu gregorianu y la ciencia, mostrando seres microscópicos nos visuales que van llevanos a trescender dende lo más pequeño a lo más grande.
Tenemos munches ganes de disfrutar d’estes propuestes, ¡nun quedes ensin entrada!
El preciu por entrada ye 15€ p’Amigues con Derechu de La Benéfica y 18€ pal públicu xeneral.
Vamos abrir la venta d’entraes el día 20 de xunu a les 9:00h, y vamos tener delles en venta física na nuestra oficina de la Calle del Quesu, 11, en L’Infiestu (Piloña).
L’horariu de la venta d’entraes na oficina va ser de llunes a vienres de 12h a 17h de la tarde.
Domingu 27 – Romería
Xaréu y folixa en Vegarrionda
📍 La Bilortera, Vegarrionda / 🎭 De baldre – Pa tolos los públicos / 🕗 Hora: 12:00 h
El domingu vamos siguir disfrutando, rematando Una Señora Fiesta como merecemos: con una ROMERÍA nel prau de La Bilortera, Vegarrionda. Convidámosvos otru añu más a disfrutar d’una fiesta de prau que ye un espaciu llibre pa disfrutar xuntes, ensin música amplificao, con concursos, xuegos, baille y sorpreses que namás pueden ocurrir n’Una Señora Fiesta. Como siempre, la romería ye de baldre, trai a toles amigues y ganes de pasalo como nunca.