ENTRUGES FRECUENTES USF26
¿Cuándo se celebra Una Señora Fiesta 2026?
¿Tu tamién tienes dudes cola fecha? Hai dalguna confusión, sobre too ente les persones que venís de fuera, col mes de xunetu (julio en castellanu), porque suena más a xunu (junio). Una Señora Fiesta ye’l 17 y 18 de xunetu, el mes de la yerba.
¿Ónde se celebra?
Esti añu hai dos xornaes de fiesta. Entamaremos con El Filandón la nueche del vienres dende les 20h en La Meredal (Vegarrionda) al llau del bar de Maribel. El sábadu dende les 12h será la Romería, tamién en Vegarrionda, en el prau de La Bilortera.
Pa llegar a L’Infiestu dende Uviéu tenéis autobuses y la llinia C6 de cercaníes Renfe (l’antigua Feve). P’averate a Piloña dende Xixón tamién hai buses (tren non).
Pa llegar a Vegarrionda, que ye un pueblu de Piloña a 7 kilómetros de la capital, L’Infiestu, nun hai tresporte públicu, polo que ye preciso buscar otres alternatives pa llegar.
Si queréis compartir coche, etiquetáinos nes histories d’Instagram y compartimos pa xenerar grupos.
¿Ye posible acampar n’Una Señora Fiesta?
Esti añu nun vamos contar con zona d’acampada. Queremos proponer, como siempre, una alternativa d’ociu que promueva’l cuidáu de la contorna y del paisaxe, como tamién eventos culturales que nun nos lleven a consumir un llugar hasta sumilu.
¿Hay romería pel día?
Sí, claro qu’hai romería, el sábado 18 de xunetu a partir de les 12h la mañana celébrase una romería d’accesu llibre en La Bilortera, en Vegarrionda. Tenéis que traer la comida de casa y la bébora podéis mercala ellí.
¿Sírvese comida y bébora n’USF25?
En El Filandón del vienres tenemos el chigre de Maribel a comprar bébores. Si vos apetez cenar, podeis traer lo que queraís de casa.
En la romería del sábadu en La Bilortera, tendremos la barra con la que sofitamos la romería polo que vos animamos a merca en ella. Un añu más, tendremos cerveza artesano Ordum y los nuestros vasos llavables y retornables pa xenerar la menor cantidá de residuu posible: cobramos 3 € por ellos y volvémosvos el dineru cuando traigáis el vasu de vuelta.
Tamién estará “La Tanitoneta” por si da quien se despista y non trae comida o se-y quemó la tortiella y quedó con fame (que tou puede ser)
¿Pue pagase con datáfonu o Bizum?
Como somos unes modernes, esti añu tenemos datáfonu, pero (y esti “pero” ye lo más importante d’esti párrafu), ye una zona rural onde la cobertura ye bien inestable. Asina que primero de subir a la romería de Vegarrionda, pasái pel caxeru en L’Infiestu.
¿Qué necesito llevar? Imprescindibles
✔ Calzáu cómodu
✔ Comida
✔ Sombriella
✔ Siella
¿Hay baños?
Sí, hai baños portátiles en les dos zones.
¿Admítense perros?
Sí, aunque aconseyamos nun dir con perros a Una Señora Fiesta. Nun ye l’ambiente más apropiau pa munchos perros, pol ruiu y el númberu de xente, non ye un buen sitiu pal bienestar de los nuestros amigos de cuatro pates.
Y una petición mui importante: hai que dexalo too tan llimpio como lo atopamos. Utilizái les papeleres, nun tiréis chapes nin cristales y traéi un estuche pa la paba de los pitos.
Nun se van a tolerar comentarios, actitúes y/o conductes violentes, racistes, xenófobes, sexistes nin discriminatories. La organización resérvase’l derechu a denegar l’accesu y permanencia a les persones que tengan conductes qu’afecten al disfrute del restu d’asistentes.