2018
Una Señora Fiesta nació…
…d’un grupín de persones namoraes del so pueblu, a les que-yos pruyía enforma facer daqué interesante y positivu nél, convencíes de que sería xenial, porque nun podía ser d’otra manera
Empezó a rondanos la idea d’una romería, prau, música, vecines, sidra… volver tener un día de fiesta en casa.
Y pensamos…
“Vamos llamaUna Señora Fiesta (USF) cuidando que nel mundu rural, les señores son les encargaes de cantar, tocar la pandereta, cuntar relatos, hestories… ¡Queríamos ser Señores, y esta diba ser la nuesa fiesta!”
Hubo families, munchos amigos, xente d’equí, d’ellí y de más allá y enforma baille. Hasta volvimos ver la carretera llena de coches aparcaos (pero d’esta vegada ensin qu’hubiera un funeral!)
Y asina foi:
@Nombre fotógrafo
Hubo families, munchos amigos, xente d’equí, d’ellí y de más allá y enforma baille. Hasta volvimos ver la carretera llena de coches aparcaos (pero d’esta vegada ensin qu’hubiera un funeral!)
2019
Al añu siguiente…
…viniémonos arriba.
Y pensamos…
“Y si facemos un festival con más tiempu y espaciu pa la música? Que vengan esos artistes o grupos a los que tenemos que dir ver a les ciudaes. Un festival, pero equí, ente’l monte y el ríu…”
Y asina foi:
@Nombre fotógrafo
Cunta la lleenda, que nun había taxis llibres en tola collación.
2020
El festival taba…
…coyendo carrerilla cuando’l “bichón Covid” apaeció.
Foi la etapa de les cancelaciones y los “pospuestos”, los termómetros, los aforos, la trazabilidá y otres fantasíes. Meses murnios con poco o nenguna ufierta cultural.
Y pensamos…
“Pos anguaño facémoslo distintu!”
Asina surdió A Taragaños, una versión en trocinos con propuestes escéniques diverses, afeches al momentu y que salió alantre, porque les ganes pudieron más que les torgues.
Y asina foi:
@Susana Muns
2021
Esti añu…
…arranábamos por volver a la fiesta que tantu echamos de menos, por tener conciertos, por ver el prau allumáu con bombilles de colores, llenu de xente baillando.
Y asina foi:
@David Pando & Tomás Ibarra
Fueron 3 nueches máxiques, nes qu’una vegada más, hubo esi amiestu de músiques y persones que tantu mos presta, de mirar alredor y pensar: “qué guapu tou”, de sentinos felices, de ver xente feliz.
2022
L’añu pasáu…
La edición de “Una Señora Fiesta” 2022 púnxonos la piel d’urogallu delles veces y nun foipa menos. pa menos. Vivimos momentazos como estrenar esti web (arguyoses como paves tamos), ver cómo volaben les entraes en cuatro díes, tanta xente collaborando pa que too tuviera a puntu…
puntu… Y eso yera solo la previa, como cuando te tas arreglando enantes de ver a esi moz@ que tanto te presta y tienes esi entemez d’ilusión y nervios de los guapos, de los qu’anticipen una nueche gloriosa.
Y asina foi:
@David Pando & Tomás Ibarra
Hubo descubrimientos musicales coos qu’abluquemos, convidaos especiales, xente baillando na mayor Danza Prima vista n’USF hasta la fecha y munches hestorias y anécdotes que pa caún@ (o pa toos/es queden). ¡Ye lo que tien Usf, que siempre sorpriende!
Too esto persabémoslo porque lo vivimos, pero tamién porque nos lo contastis:
“El próximu añu, volvemos”, “recuperé les ganes de salir”, “ai, mui bien lo pasé”…